Drama Bahasa Bali

Hai kawan , kali ini saya memposting salah satu drama bahasa bali . Drama ini mengkisahkan tentang seorang Wayan Giri yang menjual makanan dengan daging yang sudah mati terlebih dahulu (tiren). Kalau mau tahu kisahnya lebih lanjut , silahkan dibaca ya .. 

Wayan Giri

Kacarita ada dagang sate madan Wayan Giri. Sadina dina ia mailehan ngadep ngadep sate. Semengan ia madagang di peken. Suba tengai ia madagang di tajen ne. Sawireh ia madagang mudah. Anake ngadep sate aji 10.000 rupiah. Ia bani ngadep aji 5000 rupiah. Kanti liu ia ngelah langganan. Mawinan ia dadi sugih. Dugase ia medagang di tajene ade anak melinin satene I Wayan Giri.

Ketut Bagler    :Bli Wayan meli sate ne

Wayan Giri      :Akude tut

Ketut Bagler    :Abungkus gen, Akude to Bli wayan

Wayan Giri      :Mudah, 5000 Dogen

Ketut Bagler    :Yeh...Mudah gati Bli Wayan ngadep. Beneh rame dogen dagangan beli ne bin saje jaan buin, anake metajen kanti mai mekejang meli sate.

Wayan Giri      :Hahaha...Ne sate ne sube peragat

Ketut Bagler   :Suksma beli wayan Benjang tiang Meriki meli sate. Tenang dogen.

Wayan Giri bani ngadep sate mudah krane sate ento uli celenge ane sube mati. Sangkale i Wayan Giri Wanen ngadep sate aji mudah. Sangkaning iya dadi anak sugih.Nanging yadiastun Wayan Giri sugih nanging ia anak pripit. Tusing taen lega makidiang. Yadin ada anak ngidih tulung ia dadi ati teken anak tiwas. Pipis ne petekine sesai. Sabilang peteng pipisne jangkutine.

Sedek dina anu sedek iwayan giri paling ngalih celeng ane suba mati. Ia ngijengin kasugihane jumah sambilang metekin pipisne. Teke madan Pekak Lacur ia suba odah awakne berag tur daki, bin sadah ia lacur gati.

Pekak Lacur    :Wayan.... wayan.... Baang pekak ngidih nasi atemelosan!

Wayan Giri      : (Wayan giri bangun uli tegakane Lantas majujuk di undage, sambilange matungked bangkiang) Ngudiang mai idih idih? Keto sube anak tua. Enyen bakal maang ngidih  jadi masan pada maal

Pekak Lacur    : Tulungen je pekak wayan. Pekak konden madaar uli ibi.

Wayan Giri      : Sing ade nasi dini kemu megedi!

(Pekak Lacur ngelingus magedei)

            Suud Pekak Lacur megedi lantas teke Dagang kucit ane sai sai ngabaang wayan giri celeng mati

Putu Suka        :Bli Wayan Bli Wayan....

Wayan Giri      :Ade ape kauk kauk??? Sube ade celeng mati win???

Putu Suka        :Kene bli, jani celenge sube sukeh ngalih ileh ileh tiang ngalih sing ade celeng mati .Liu anake nawang tiang ngadep celeng mati

Wayan Giri      :Badah....kengkenang jani icang medagang tere ade celeng mati ane mudah

Putu suka        :Beli Wyan jani medagang soto dogen. Nyanan tiang ngadepin siap mudah, siape ane sube bangke anggon. Sawireh sube liu anake nawang beli ngadep sate aji celeng mati

Wayan Giri      :Nah Melah to Melah....Icang lakar ngadep soto lamen keto. Ingetang win mani abe siape ke umah icange

Putu Suka        :Oke Beli beresss

            Suud Putu Suka teke lantas made lare teke lakar nyilih pipis. Nanging wayan giri enu inguh krane iya sube tusing maan ngadep sate. Jani iya lakar ngadep soto.

Made Lara       :Bli wayan....Bli wayan

Wayan Giri      : (Sambilange matungked bangkyang tur sebengne nyeremin lantas ngomong) kenape adi kauk kauk di mukak umah anak sing nawang nu paling.

Made Lara       :Bli wayan Olasin tiang ngidih tulung. Baang tiang nyilih pipis anggon tiang meli ubad!

Wayan Giri      :Ngudiang mai nyilih pipis? Kadena aluh anake ngalih pipis. Icang sesai tuyuh. Peluh pidit megae. Enyen bakal maang nyilih pipis jani? mekejang sukeh.

Made Lara       : Ngidih tulung tiang beli tiang meli ubad anggon ngubadin panak tiange kebus dingin panak tiange tiang ngidih tulung beli (sambilange ngelut batis Wayan Giri)

Wayan Giri      : Kemu de mai nyilih pipis (sambilange nongsok Made lara)

(Made Lara Makilesan pesu)

Sedek Mejalan Mulih uli umah Wayan giri saget Made lara matepuk teken Pekak Lcur lantas ia jak dua pada nuturang dewek.

Made Lara       :Pocol icang ngidih Tulung teken Wayan Giri. Dadi ati pesan tumben tiang nyilih pipis, adi dadi ati tuding maang.

Pekak Lacur    : Eda bes sanget, pekak masih keto Tumben pekak ngidih nasi nanging tusing maang. Ento awanan pekak megedi.

Made Lara       :Nah men keto de suba sangetange gati jalan melah ne alih. Eda nuutin wayan giri. Ngadep sate mudah mudah malakar celeng gelem muah bangkung mati.

Pekak lacur      :Nah men Keto mai rage majalan mulih jani pang sing enggalan ujan ne pedalem panake made ne kebus dingin gelem. Pekak masi lakar mulih.

            Wayan Giri sayan udu. Sawireh liu anake nawang ia ngadep sate bangkaan. Mawinan suud ngadep sate jani ia madagang soto. Sesai abaange siap teken Putu Suka buina  mabase jaan. Nanging tusing ade anak ane meli sawireh soto ento bangkaan.

Wayan Giri      :Mai tut meli soto beli ne jaan san ne

Ketut Bagler    :Beh... soto ape ke adep? Sate dogen aji Celeng mati,  kalingan jani soto pasti aji siap ane sube mati.  Titiang sing dot meblanje dini nyanan tiang mati naar be sube mati.

Wayan Giri      : (wayan giri mendep)

Wayan giri sayan inguh. Dagangane tusing pati laku, kanti gelem ia naanang pocol. Jani ia tusing ngidaang bangun. Sesai aduh aduh di pedemane, nuju dine redite ia basange ngerase sakit bsangne care lilit lipi ban sakit ne glalang gliling di beten.

Wayan Giri      :Aduh.....Aduh.....sakittt tulung tulung....

Made lara        : (Saget liwat mukak umah i wayan giri ngajak pekak lacur) Bih nyen to kauk kauk

Pekak Lacur    : Yeh saje...munyine uli umah ne Wayan Giri mai alih kemu.

Made Lara       :Yeh wayan kenape ne adi glalang gliling di beten (lantas bangunange jak Made lare teken pekak lacur)

            Lantas made lara ngabaang boreh, pekak lacur ngabaang simbuh. made lara lantas ngurut batis wayan giri aji boreh

Made lara        :mai mai dini jang batisne tiang ngurut aji boreh

Pekak lacur      :Ne wayan yen sube melahan ne bange loloh lantas pulesang bane.

Wayan Giri      : suksma pesan made muah pekak olas pesan nulungin tiang das dasan pesan tiang mati. Yening tusing maan pitulung tiang kapok masolah pripit. Uli jani tiang kar mesalin tiang lakal suud demit pipis tiange lakar anggoang tiang mapitulung.

            Wayan giri nyalinin tingkah. Uli demit dadi bares. Demen nulungin timpal. Yanning ada anak odah ia ngayahin aji laksana yaning ada anak tiwas ia nulungin aji arta brana keto mula laksana anake mapisaga muah menyama braya.